Facultatem opportunitatemque omnibus qui mundum subaquarium protegere et videre volunt apertam offerimus.

Urinandi consociatio Europaea, ut consociatio superregionalis, de omnibus urinandi consociationibus veluti CMAS, VDST, ... libenter socios accipit.

Urinandi consociatio Europaea hoc tempore sodalitatis pretium postulat 30 € tantum uni sodalitati (sine assecurationis protectione) offertque viles familiarum contributiones. Si quis assecurationis protectionem optat (e.g. VDST), sodalitatis pretium pro ratione augetur.

Urinandi consociationis Europaeae socii sunt urinatores omnium aetatum et instructionis graduum. Nobis omnes cari exspectatique veniunt!

Aliquot singularum consociationum urinandi magistrorum est sociorum ad eam rem paratorum et institutio et ingenium excolendum, qui magistri etiam rei periti provident, ut examinum testimonia a tironum institutione usque ad urinandi magistrorum eruditionem conscribi possint.

Urinandi consociatio Europaea id sibi proposuit ut numerum locorum instituendi munere fungendorum augeat, qua re sociis quam minimis impensis facultas detur ut eruditionem suam emendent augeantque.

Exercitationes iucundas et acroases proprias offerimus variis propositis praeditas velut maris biologia, urinationem sine aëre compresso factam tironibus firmioribusque, urinationem in speluncis maritimis, in lacibus saltuosis, urinationem technicam etc. Participes sunt socii nostri pretii deminuti.

Sociis nostris emolumenta praebentur in urinandi stationibus tabernisque nobis adnexis.

Urinandi consociationis Europaeae socii perfacile inter se communicare possunt; fieri etiam potest ut inter eos ad urinandi conventus conveniat.

Libenter socios omnium nationum Europaearum accipimus!

Tutela et bestiarum et naturae et rerum externarum apud urinandi consociationem Europaeam primo loco habetur. Contendimus pro tutela animalium naturaeque quae sub aqua est.

Latine convertit Gerardus Helzel